Jeugdprins Kai 1 (Burlet)

Prins Daan 1 (Kluitenberg)

Leef luuj van de Lèntjheuvel,


Hie bin ich dan eindelik, Jeugprins Kai I.

Zoon van Maik en Monique Burlet, grwatte broor van Raf & Dex.

Veer woone op de Napoleonsbaan neave ’t autobedrief van de pap en de mam.

Ich zit op basissjwal ’t Heuvelke in groep 8, nao de zomervakantie gaon ich nao Belsj nao sjwal.

Mien leefhöbberieje zeen, gamen mit mien vrunj en natuurlik 3 kjer per weak voetballe mit mien team van RKFC Lèntjheuvel J013, wao ich saame mit mien adjudante Daley Lieve en Mike Bosma in zit.

Op zunjig doon ich auch nog karte, en af en toe doon ich mit mit eine kartwèdsjtried Ich hoof mich noats te vervaele want ich help auch mit bie de Pap & Mam op de zaak mit wages wesje.

Veurig jaor höb ich eine breef gesjreeve aan Kim & Ron dat ich hjel gaer Jeugprins wouw zeen, Aangezeen ich dit al ein paar kjer höb maoge mit maake toen ich in de Jeugraod zoat, en dat begoosj mich waal te kriebele es ich de jonges dan zoag in hun sjwan prinse pak.

Noe is miene druim oetgekomme en moag ich saame mèt Prins Daan I, mien grwatte veurbeld en vrundj regere euver de Lèntjheuvel!

Ich vong ’t super sjpannend toen ich oetgeroope bèn, mer noe bin ich d’r gans klaor veur!

Saame gaon veer d’r eine sjwanne vastelaovend van maake!


Ich Jeugprins Kai I gooj mit de Vastelaovend mien voetbalsjoon aan de kantj.

Volle gaas in de Polonaise mit de scepter in mien handj.


Lèntjheuvel ALAAF

Vriendelijke groet

Hie ben ich dan. Lang hub ich motte wachte mer nu is ut eindelijk zwao wiet. Es Prins Daan den eesjte maog ik regeren euver de lentjheuvel.

Veur diegene die mich nog neet kenne zal ich mich afkes veurstjelle.

Ich ben Daan Kluitenberg zoon van Tom en Annita. Ich ben het jongere breurke van Femke. Ich ben 23 jaor oud en sjtudeer aan de Zuyd Hoge sjool commercieel management. Ich sjpeel gear op mien gitaar. Ben regelmatig in de fitness ruimte te zeen en sjpeel badminton bie Nibuc 72. Auch wil ich waal uns met mien vrunj gamen mer dao hub ich eigenlik get te weinig tied veur.

Wie ich nog jonger waor hub ich met veul sjpas en plezeer bie de jeugdraod gezeete. Hie hub ich ongeluiflik veul leuke herrineringen aan. Toen Remco Eggen mos sjtoppe bie de jeugdraod ben ich ipv Remco ceremonie meister gewaore. Ich sjtong toen veuraan in de rie om de raod veur te sjtelle en artieste nao baove te brenge. Wie grapping is het dat ich noe ongeveer 11 jaor danao weer ut prinsjeschap van Remco maog euvernumme.

Ut is natuurlijk gein geheim dat dit ein druim veur mich is geweas. Wie Leroy mich dan auch vroog hub ich dan auch gein seconde getwiefeld. Ein van de eejste vraoge die ich aan Leroy sjtelde waor of pap ut auch mog weite. Ich hub mich nl ummer veurgesjteld om dit avontuur same met pap aan te gaon. Na enig euverlik met Leroy kreeg ich greun leeg. Ich mog het aan pap vertelle. Tuurlik hei ich ut auch geer aan mam kwiet gewilt mer mam kent neet zo good zjwiege. Es letst genoemde waal ein geheim waor laot ut heur dan mer neet weite. Dan weit jederein het.

Veule van uch weite dat ich van kleins af aan probleme hub met mien oore Vreuger heij ich vaak ooronjstekingen. Vanaaf groep 7/8 ging mien geheur ineens hel achteroet en er mosten drastische maatregelen waore genome. Ich hub de eine nao de angere operatie gehad mer niks koos mich nog helpe. Daorom hub ich vanaaf 2017 ein heurapparaat. Dit is neet zo'n sjtandaard dingk veur in de ore mer bie mich zit dat mit ein sjroefke vast aan de kop. Ut is get lestig om dat noe zo oet te legke. Es dich mich teage kumps dees daag en doe wils get van mich weite sjtel mich gerus get vroage ich wil ze dich gear beantwoorde.

Ich wiet in jeder geval dat ich elke keer trots nao mien veare zal kieke, mit plezeer in het prinsepak zit, proost op elk pilske dat ich gaon drinke en gaon geneete van elk moment.

Beste laezer; Deze carnaval geit het heurapparaat aaf en de sjteek op. Sjool , Sjport en auch de gitaar sjpele geit noe afkes stop. Het carnvalsvirus hub ich van pap en mam mit gekreege mer deez vastelaovend gaon ich euver lentjheuvel regere. Lentjheuvel ALAAF